Caspian-Software

“Samsung” ən tutumlu fləş daşıyıcısını təqdim etdi

Elvin07 — Sat, 15 Aug 2015 08:41:35 GMT

“Samsung Electronics” şirkəti Kaliforniyada keçirilmiş “Flash Memory Summit” tədbirində bazarda mövcud olan ən tutumlu (2.5 düym form--faktorunda 15 TB) sərtgövdəli daşıyıcını təqdim edib.

Müqayisə üçün, bazarda müvafiq form-faktora malik və “Western Digital” şirkəti tərəfindən buraxılmış ən tutumlu sərt diskin həcmi 10 TB-dır.

"ICTnews" elektron xəbər xidməti “hitech.newsru.com” saytına istinadən bildirir ki, 15.36 TB tutumunda “Samsung PM1633a” daşıyıcısı korporativ sifarişçilər üçün, məlumat mərkəzlərində məlumatların saxlanılması sistemlərinə quraşdırılmaq üçün nəzərdə tutulub.

“Samsung” şirkəti “Flash Memory Summit” tədbirində 48 ədəd “PM1633a” daşıyıcısından ibarət server konfiqurasiyasını nümayiş etdirib. Konfiqurasiyanın ümumi tutumu 768 TB təşkil edib. (ictnews)

“Apple” 9 sentyabrda yeni “iPhone” smartfonunu təqdim edəcək

Elvin07 — Sat, 15 Aug 2015 08:35:30 GMT

Növbəti nəsil “iPhone” smartfonu “Force Touch” ekranı, “A9” prosessoru və təkmilləşdirilmiş kamera ilə təchiz ediləcək.

“BuzzFeed News” öz mənbələrinə istinadən yazır ki, “Apple” şirkəti sentyabrın ikinci həftəsində keçirəcəyi mətbuat konfransında “iPhone” smartfonunun yeni versiyasını və “Apple TV” təqdim edəcək.

İnternet nəşri xatırladır ki, ötən il tədbir, həmçinin 9 sentyabr tarixində keçirilib.

"ICTnews" elektron xəbər xidməti “interfax.ru” saytına istinadən bildirir ki, hələ ki “Apple” şirkəti bu informasiyanı rəsmi təsdiq və ya təkzib etməyib.

“Apple”ın fəaliyyətini izləyən başqa nəşr bildirib ki, “BuzzFeed” adətən öz proqnozlarında səhv etmir.

“Apple”, həmçinin “iPad” planşet kompüterinin yeni modelini təqdim edə bilər. (ictnews)

Sosial mediada yeni trend #DontJudgeChallenge

Elvin07 — Sat, 15 Aug 2015 08:19:04 GMT

Movqe.az saytına istinadən xəbər veririk ki, əslində burada bizlərə çatdırılmaq istənilən "Ön fikirli Olmayın" anlayışıdır ki, tərcüməsinin tam mənası bu kimi xarakterizə edilə bilər. "Do not Judge" bir başqa məna əlavə edəcək olsaq, bilmədən mühakimə etməyin yəni bir adamın daxili gözəlliyini bilmirsinizsə əgər ön mühakimə də etməyin...

Həyatımız 5-10 ildən sonra belə olacaq

Elvin07 — Sun, 09 Aug 2015 12:16:02 GMT

Microsoft şirkəti "Productivity Future Vision" layihəsi çərçivəsində bizim gələcəyimizin necə olacağına dair baxışını dünyaya göstərib. Belə ki, yüksək texnologiyalar artıq 5-10 il sonra həyatımızı tam dəyişdirə bilər. (Bizimyol)

“Google” şirkətinin “3D” planşeti ABŞ-dan kənarda satışa çıxarılıb

Elvin07 — Fri, 07 Aug 2015 22:05:45 GMT

“Google” şirkəti “3D” kameraya malik “Project Tango” planşetini satan ölkələrin siyahısını genişləndirib. Cari ilin mayında ABŞ bazarına çıxarılmış aparat bu gündən etibarən Kanada və Cənubi Koreyada satılır.

26 avqustdan etibarən isə Danimarka, Finlandiya, Fransa, Almaniya, İrlandiya, İtaliya, Norveç, İsveç, İsveçrə və Böyük Britaniyada satışa çıxarılacaq.

“hitech.vesti.ru” saytına istinadən bildirilir ki, “3D” planşetini “Google Store” internet mağazasından 512 dollara sifariş etmək olar. Hər bir şəxs sözügedən qurğunu satın ala bilər, lakin “Project Tango” eksperimental qurğu olduğundan, ilk növbədə istehsalçılar üçün nəzərdə tutulub.

Planşet “NVIDIA Tegra K1” prosessoru, 4 QB əməli yaddaş, 128 QB tutumunda fləş daşıyıcı, “Wi-Fi” və “LTE” modulları, 1920x1200 piksel təsvir ölçüsünə malik 7 düymlük ekran və 4960 milliamper/saat tutumlu batareya ilə təchiz edilib. “Project Tango” planşetinin əsas özəlliyi hərəkətin izlənilməsi üçün inteqrasiya edilmiş kameralar və məkanın üçölçülü xəritəsini tərtib edə bilən dərinlik datçikidir. (ictnews)

“Chrome” brauzerinin səslə idarə olunan versiyası yaradıldı

Elvin07 — Fri, 07 Aug 2015 22:00:21 GMT

Rabitə və İnformasiya Texnologiyaları Nazirliyinin rəsmi saytına istinadən verdiyimiz məlumata görə, yeni versiyanın əsas üstünlüklərindən biri səsin tanınması və mətn şəklinə çevrilməsi imkanı olub.

Gələcəkdə internet-brauzer tərəfindən insan səsinin tanınması mətni klaviatura vasitəsilə daxil etməyə çətinlik çəkən istifadəçilər üçün faydalı funksiya ola bilər. Mikrofonla işləyən səsli komanda funksiyası tamamən HTML5 dili bazasında işlənib hazırlanıb. Bu isə o deməkdir ki, brauzer üçün heç bir digər əlavə quraşdırmalara ehtiyac yoxdur.

İlk dəfə yeni funksiya “Google Translate” tərcümə servisində tətbiq olunub. Klaviaturada tərcümə üçün sözün və ya cümlənin yığılması əvəzinə “Chrome 11” istifadəçiləri bu sözü və ya cümləni mikrofona söyləyə biləcək. “Google Translate” isə səsləndirilmiş kontenti müəyyən edərək, onu istifadəçinin əvvəlcədən seçdiyi dilə tərcümə edir. Hələ ki, tərcümə servisi yalnız ingilis dilində şifahi nitqi müəyyən edə bilir.

Yeni versiyada “Google” “Chrome”-nin loqotipini də dəyişdirilərək, onu bir qədər “hamarlaşdırıb”. “Chrome 11” versiyasını “Google”-nin saytından yükləmək olar. (ictnews)

GTA 5-də əlavə olunan Iron Man rejimi

Elvin07 — Tue, 04 Aug 2015 23:15:48 GMT

PC -yə gec gəlməsinə baxmayaraq əyləncəli rejimlərə ev sahibliyi edən GTA 5-ə bu dəfə də Iron Man rejimi əlavə edilib.
GTA 5-də sevindirən Iron Man rejiminin video görüntüsünü təqdim edirik

İstifadəçi səsinə görə identifikasiya ediləcək

Elvin07 — Tue, 04 Aug 2015 22:47:27 GMT

Bəşəriyyət parollardan tamamilə imtinaya çox yaxındır. İndi smartfonlarda barmaq izi üzrə identifikasiya tətbiq edilir və skanerlər daim təkmilləşdirilir. Hollandiyanın "ING" bankı öz müştərilərinə daha sadə üsul təklif etməyə qərar verib. Belə ki, onlar proqramda avtorizasiyadan keçmək üçün parol, barmaq izi əvəzinə öz səslərindən istifadə edəcəklər.

"mail.ru" saytına istinadən bildirir ki, sözügedən funksiya artıq mobil proqramın həm "Android", həm də "iOS" versiyasında əlçatandır. Funksiya "Inge" virtual səs köməkçisinə quraşdırılıb.

Şirkət iddia edir ki, səsli identifikasiya standart şifrələmə sistemlərindən daha etibarlıdır. Belə funksiya ilə təchiz edilmiş sistemi aldatmaqla bağlı uğursuz cəhdlər proqram təminatının sonrakı təkmilləşdirilməsi üçün yaddaşa yazılacaq.

"Kasperski laboratoriyası"nın aparıcı antivirus eksperti Serqey Qolvanov iddia edir ki, bankların müasir identifikasiya sistemlərinə marağı bəyənilən haldır, ancaq hələ ki səsin tanınması texnologiyasına ikinci dərəcəli metod kimi baxılmalıdır, çünki bu metoda sadə müdaxilə üsulları mövcuddur. (ictnews)

“Apple” səsli poçt sistemi hazırlayır

Elvin07 — Tue, 04 Aug 2015 22:33:33 GMT

ABŞ-ın “Apple” şirkəti “Siri” virtual köməkçisi əsasında işləyən səsli poçt üzərində sınaq işlərini yekunlaşdırır. “Business insider” portalı yazıb ki, yeni xidmət artıq 2016-cı ildə istifadəyə verilə bilər.

"ICTnews" saytına istinadən bildirilir ki, “Siri” virtual köməkçisinin yenilənməsi nəticəsində “iOS” platforması ilə işləyən mobil qurğuların sahibləri smartfonun ekranında mətnə çevrilmiş səsli mesajları oxuya biləcək.

"Apple tərəfindən təklif edilən həll eyni anda həm sadə, həm də ağıllıdır - portal yazıb. İnsanlar səsli mesaj göndərməyi bəyənsələr də, (mətn yazmaqdan daha sürətlidir) onu qəbul etməyi sevmirlər (çünki mətni daha sürətli oxumaq mümkündür).

Həmçinin məlum olub ki, Apple ABŞ və Avropa ərazisində öz virtual mobil rabitə xidmətini işə salmağı planlaşdırır. Mütəxəssislər əmindir ki, “Apple”ın belə addımı şirkətin dünya mobil rabitə bazarında öz mövqeyini möhkəmləndirmək niyyətini göstərir.

“Alcatel” şirkəti “OneTouch Conquest” ucuz smartfonunu təqdim edib

Elvin07 — Mon, 03 Aug 2015 19:00:42 GMT

"Alcatel" ticarət markası "OneTouch Conquest" ucuz modelini təqdim etməklə smartfon çeşidini genişləndirib. Yeni cihaz dördüncü nəsil şəbəkəsini dəstəkləyir, su və toza qarşı dayanıqlıdır.

"ICTnews" elektron xəbər xidməti "dailycomm.ru" saytına istinadən bildirir ki, "Alcatel OneTouch Conquest" smartfonu "IP67" standartı üzrə sertifikatlaşdırılıb. Belə ki, qurğu 30 dəqiqə ərzində bir metr dərinliyində suda qala bilir.

Yeni qurğu 1,2 QHs takt tezlikli dördnüvəli "Qualcomm Snapdragon" prosessoru ilə təchiz edilib və "Android 5.0 Lollipop" mobil əməliyyat sistemi quraşdırılıb. Cihaz 1280x720 piksel təsvir ölçülü 5 düymlük ekrana və "Dragontrail Glass" qoruyucu şüşəsinə malikdir.

Əməli və daxili yaddaşın tutumu müvafiq olaraq 1 və 8 QB təşkil edir. Məzmunu, həmçinin 32 QB tutumunda "microSD" daşıyıcılarında yadda saxlamaq olar. Əsas kamera 5 meqapiksellik təsvir sensoru, avtofokus və işıq diodu işıqlandırıcısına malikdir. Ön fotomodul 2 meqapiksellik matrisə malikdir.

Cihazın fiziki ölçüləri 141x72,3x9 mm, çəkisi 140 qramdır. Bundan başqa, telefon 2500 milliamper/saat tutumunda akkumulyator və "GPS", "LTE", "Wi-Fi" və "Bluetooth" simsiz rabitə modulları ilə təchiz edilib.

130 dollar məbləğində "Alcatel OneTouch Conquest" smartfonunun satışına artıq başlanılıb. (ictnews)