Türkiyədə telekanallar yeni mövsümə 35 teleserialla başlayıblar. Həmin teleserialların 15-i yenidir. Amma yeni teleserialların istisnasız olaraq hamısının baxış reytinqləri çox aşağıdır və onların nümayişi hər an dayandırıla bilər. 

 

Bu həftə daha 4 yeni teleserialın nümayişi başlanır.

 

Show TV telekanalında göstərilən, baş rollarda Perran Kutman, Sezin Akbaşoğulları, Ahmet Rıfat Şungar və Avni Yalçının oynadıqları "Ah Neriman" teleserialının reytinqləri çox aşağıdır.

 

ATV telekanalında da durum eynidir. "Karadayı", "Kara Para aşk", "Bugünün Saraylısı", "Diğer Yarım", "Kaçak" teleseriallarını davam etdirən telekanal "Kalp Hırsızı", "Bugün Üç Arkadaş" və "Beyaz Karanfil" adlı yeni seriallar göstərməyə başlayıb. Gələn həftə "Kertenkele" nümayiş olunacaq.

"Kalp Hırsızı" və "Bugünün Saraylısı" teleseriallarının dayandırılması gözlənilir.

"Diğer Yarım" teleserialının da durumu çox pisdir.

 

Kanal D telekanalında "Bana Artık Hicran De" teleserialı 4-cü seriyada dayandırılıb. Reytinqi çox aşağı olan teleseriallar arasında "Hayat Yolunda" və "Benim Adım Gültepe" də var.

 

Star TV telekanalına gəlincə, "Kurt Seyit və Şura"nın taleyi çox müəmmalıdır. "Aşktan Kaçılmaz", "Kadim Dostum" teleserialları ilə bağlı gələn həftənin sonunda qərar veriləcək.

 

Və ən nəhayət, TRT 1 telekanalında "Yedikule Hayat Yokuşu" və "HAyat Ağacı" teleseriallarının nümayişinə son verilməsi gözlənilir.(milli.az)