“Facebook” sosial şəbəkəsi “WhatsApp”ı satın aldıqdan sonra mobil mesajlaşma bazarını ələ keçirsə də, özünün “Facebook Messenger”dən imtina etmək fikrində deyil. Əksinə, “Facebook Messenger”in inkişafı üçün inqilabi yenilik ediləcək.

 

Fins.az-ın xarici mətbuata istinadən məlumatına görə, “Facebook” şirkəti danışığı mətnə çevirən texnologiya üzərində işlərə başlayıb. Şirkətin ismarış sistemləri üzrə mütəxəssisi Devid Markus bildirib ki, bu yenilik “Facebook Messenger”-ə 2015-ci ilin sonunadək gələcək.

 

«Facebook»un bu yeniliyi şəbəkə istifadəçilərinə böyük fayda gətirəcək – şəbəkə vasitəsilə yazışmaların vaxtı qat-qat qısalacaq. Belə ki, indiyədək mesajlaşma zamanı yazılan mətnləri yığmaq lazım gəlməyəcək. Sadəcə danışmaq kifayət edəcək ki, həmin sözlər yazın formasına çevrilsin.